रुसले युक्रेनको राजधानी किएभमा गरेको आक्रमणमा कम्तीमा १५ जनाको ज्यान गएको छ । किएभको सैन्य प्रशासनका प्रमुख टिमुर तकाचेन्कोले रुसी आक्रमणमा ४ बालबालिकासहित १५ जनाको ज्यान गएको अन्य धेरै घाइते भएका बताउनुभएको बीबीसीले जनाएको छ ।
यद्दपि घाइते भएकाहरूको सङ्ख्या उपलब्ध छैन । ज्यान गुमाउनेमा एक जना २ वर्षका पनि रहेका छन् ।
यसैबीच युरोपेली आयोगकी उपाध्यक्ष काजा कालासले किएभमा भएको आक्रमणलाई लिएर रुसले जानाजान युक्रेनमा द्वन्द्व बढाइरहेको र शान्ति प्रयासको मजाक उडाएको आरोप लगाउनुभएको छ ।
युक्रेनी राष्ट्रपति भोलोदिमिर जेलेन्स्कीलेरुसले वार्ताको टेबलको सट्टा ब्यालेस्टिक रोजेको आरोप लगाउनुभएको खबरमा उल्लेख छ ।
युक्रेनको सशस्त्र सेनाले रुसको दक्षिणी क्रास्नोडार क्षेत्रमा रहेको तेल प्रशोधन केन्द्रमा आक्रमण गरेको रिपोर्ट गरेको छ । यस्तै रुसले रातभर १ सय २ वटा युक्रेनी ड्रोन रोकेको बताएको छ ।
रुससँगको युद्ध अन्त्य गर्नेबारेमा छलफल गर्न युक्रेनी प्रतिनिधिमण्डलले भोलि न्युयोर्कमा अमेरिकी अधिकारीहरूसँग भेट गर्ने भएको छ ।
