महेन्द्रनगर । नेपाल निजामती कर्मचारी संगठन सुदूरपश्चिम प्रदेश कार्यसमितिले न्यूनतम पारिश्रमिक र सामाजिक सुरक्षा कोषमा आवद्धता अनिवार्य कार्यान्वयनका लागि ध्यानाकर्षण गराएका छन् ।
पार्टी कार्यक्रमकाे सिलसिलामा कञ्चनपुर पुगेका नेकपा एमालेका महासचिव शङ्कर पाेखरेललाई संगठनले ध्यानाकर्षण बुझाएका हुन् ।
नेपाल निजामती कर्मचारी संगठनकाे साउन ३१ गतेको निर्णयअनुसार शनिबार पार्टी कार्यालयमा आयोजित कार्यक्रममा संगठनले नेकपा एमालेका महासचिव पाेखरेललाई ध्यानाकर्षण बुझाएका हुन् ।
कार्यक्रममा महासचिव पोखरेलले कर्मचारी संगठनको मागलाई गम्भीरतापूर्वक सम्बोधन गर्ने प्रतिबद्धता व्यक्त गरेका छन् । उनले ध्यानाकर्षण पत्र बुझ्दै नगरपालिका महासंघ र गाउँपालिका महासंघलाई तत्काल पत्राचार गर्ने र मातहतका कमिटीलाई आवश्यक निर्देशन दिने आश्वासन दिएकाे कर्मचारी संगठनका सुदूरपश्चिम प्रदेश अध्यक्ष माधव जाेशीले जानकारी दिए ।
