प्रधानमन्त्री केपी शर्मा ओली शाङ्घाई सहयोग संगठन (एससिओ) को शिखर सम्मेलनमा सहभागी हुन जनवादी गणतन्त्र चीनको थियानजिन शहर आइपुग्नुभएको छ।
मित्रराष्ट्र चीनका राष्ट्रपति सी चिनफिङको मैत्रीपूर्ण निमन्त्रणामा नेपाली प्रतिनिधिमण्डलको नेतृत्व गर्दै प्रधानमन्त्री ओली हिमालय एयरलाइन्सको विशेष विमानमार्फत स्थानीय समय अनुसार दिउँसो ३:१५ बजे थियानजिन विनहाइ अन्तर्राष्ट्रिय विमानस्थलमा अवतरण गर्नुभएको हो।
प्रधानमन्त्री ओलीलाई चीन सरकारका उच्चाधिकारी, चीनका लागि नेपालका राजदूत डा. कृष्णप्रसाद ओली तथा नेपालका लागि चीनका राजदूत चेन सोङलगायतले स्वागत गरेका थिए।
थियानजिनमा बसाइका क्रममा प्रधानमन्त्री ओलीले राष्ट्रपति सी चिनफिङसँग उच्चस्तरीय भेटवार्ता गर्ने कार्यक्रम रहेको छ। उक्त भेटवार्तामा नेपाल–चीनबीच आपसी हितका विषयमा छलफल हुने प्रधानमन्त्रीको सचिवालयले जनाएको छ।
