दार्चुला । समाजवादी प्रेस सङ्गठनको सुदूरपश्चिम प्रदेश अध्यक्षमा हिक्मत बहादुर सिंह चयन भएका छन् । आज शनिवार धनगढीमा सम्पन्न प्रथम अधिवेशन मार्फत सिंह सर्वसम्मत रूपमा अध्यक्षमा चयन भएका हुन् ।
उपाध्यक्ष तपेन्द्र कुवर, शर्मिला रोकाय, महासचिव डिलबहादुर सिंह, सचिव सन्तोष प्रसाद जैसी, कोषाध्यक्ष समीक्षा जोशी चयन भएका छन् ।
यस्तै सदस्यहरू उमेश शाही, जनक थापा, निशा साउद, पवन बोहरा, सोहिता बोहरा, पुरुषोत्तम अवस्थी, कैलाश पनेरु, भरत साउद र राजेन्द्र विक चयन भएका छन् ।
नेकपा एकीकृत समाजवादी पार्टीका उपमहासचिव तथा प्रचार विभाग प्रमुख जगन्नाथ खतिवडा, संगठनका केन्द्रीय अध्यक्ष विश्वमणी सुवेदी लगायतको उपस्थितिमा आज प्रथम अधिवेशन सम्पन्न भएको हो ।
