दार्चुलाको महाकाली नदी किनार पछिल्लो समय साँझपख घुम्न आउने र फोटो खिच्ने युवायुवती तथा परिवारहरूको लोकप्रिय गन्तव्य बन्दै गएको छ।
बिहानदेखि काममा व्यस्त स्थानीयबासीहरू बेलुका समय निकालेर नदी किनारको शीतल हावामा विश्राम गर्न पुग्ने गरेका छन्। खासगरी सामाजिक सञ्जालमा फोटो पोस्ट गर्ने चाहना बोकेका युवाहरूका लागि महाकाली किनार एक रमाइलो स्पट बनेको छ।
साँझको समयमा यहाँको दृश्य एकदमै सुन्दर हुन्छ, नदीको पानीको आवाज र घाम अस्ताउने क्षणहरू निकै मनमोहक लाग्छ, १८ वर्षीय मनोज धामी भन्छन्।
महाकाली पुल आसपास र किनार क्षेत्र सुन्दर दृश्यावलोकनका लागि उपयुक्त भएका कारण यहाँ दैनिक सयौं मानिसको उपस्थिति देखिन्छ। केहीले परिवारसहित शान्त वातावरणमा समय बिताउँछन् भने केहीले मोबाइल र क्यामेरामा तस्बिर कैद गर्न ब्यस्त देखिन्छन्।
महाकाली नदीको किनार साँझको समयलाई शान्त, रमणीय र सामाजिक भेटघाटको थलोमा रूपान्तरण गर्दै गएको छ। यदि व्यवस्थापनलाई अझ प्रभावकारी बनाइयो भने यसले स्थानीय पर्यटन प्रवद्र्धनमा समेत टेवा पु¥याउने निश्चित देखिन्छ।
