दार्चुला । नेकपा (एमाले) पोलिटब्युरो सदस्य तथा पूर्वमन्त्री गणेशसिंह ठगुन्नाले भारत–चीन बीच भएको सम्झौंता नेपालको सार्वभौमिकतामा ठाडो हस्तक्षेप भएको बताएका छन् । चिनियाँ विदेशमन्त्री वाङ यी को भारत भ्रमणको क्रममा दुई देशबीच लिपुलेक पास हुँदै सीमा व्यापार खोल्ने सहमति भएको समाचार बाहिरिएसँगै ठगुन्नाले यस्तो प्रतिक्रिया दिएका हुन्
नेपाली भूीम लिपुलेक भएर भारत र चीनद्धारा गरिएको व्यापारिक सम्झौंता नेपालमाथिको हस्तक्षेप मात्र नभई सम्राज्यवादी र विस्तारबादको निर्लज्ज रुप हो ठगुन्नाले भनेका छन् ।
उनलेका भनेका छन्, नाकाबन्दीको डटेर सामना गरि मिचिएिको भूमि देशको नक्सामा समावेश गर्न सफल भएका हालका प्रधानमन्त्री केपी शर्मा ओलीले फेरि एकपटक राष्ट्रिय सहमति गरेर कुटनैतिक पहल गर्नुहुनेछ ।’ सम्पूर्ण देशबासी आसावादी रहेका छन् ।
पूर्वमन्त्री समेत रहेका नेता ठगुन्नाले अतिक्रमित भूमि कालापानी, लिपुलेक, लिम्पियाधुरासहितको भूमि समेटेर नेपालको नक्सा सार्वजनिक गर्न समेत महत्पूर्ण भूमिका निर्वाह गरेका थिए ।
दार्चुलाको व्याँस गाउँपालिका–१ मा पर्छ लिपुलेक । यो क्षेत्रसम्म पुग्न सरकारले यो वर्ष ५ करोड ५० लाख रुपैयाँ लागतमा पैदलबाटो निर्माण गरेको छ । महाकाली करिडोर अन्तर्गत अहिले दार्चुलाको टिंकर जोडने गरी सडक निर्माणाधीन छ ।
राष्ट्रको सार्वभौमिकतामाथि भारतले गरेको हस्तक्षेपक्षको अखिल नेपाल राष्ट्रिय स्वतन्त्र विद्यार्थी युनियनले अखिलले पनि विज्ञप्तिमार्फत आपत्ती जनाएको छ । अनेरास्ववियु दार्चुलाका अध्यक्ष नरेन्द्रप्रसाद जोशीद्धारा हस्ताक्षरित विज्ञप्तिमा भनिएको छ, ‘नेपाली भूमि माथिको हस्तक्षेप बन्द गर, असल छिमेकीको दायित्व पूरा गर ।’
