नेपाल बाल संगठन दार्चुलाको दोस्रो अधिवेशन उद्घाटन भएको छ । मंगलबार आज महाकाली नगरपालिकाको सभाहलमा बाल संगठन दार्चुला शाखाको अधिवेशन उद्घाटन भएको हो ।
नेपाल बाल संगठन दार्चुलाका सभापति गौरी बडालको अध्यक्षतामा उद्घाटन भएको अधिवेशनमा नेपाल बाल संगठनका केन्द्रीय कोषाध्यक्ष देउमान बिष्टको प्रमुख आतिथ्यता रहेको छ । महाकाली नगरपालिकाका नगरप्रमुख नरसिंह चैसीर र प्रमुख जिल्ला अधिकारी अनिल पौडेलको बिशिस्ट आतिथ्यता रहेको उद्घाटन सत्रमा महाकाली नगरउपप्रमुख दुर्गा कुमारी खत्री बिष्ट, जिल्ला प्रहरी प्रमुख डिएसपीप्रकाश दाहाल, बाल संगठनका केन्द्रीय सदस्य तथा सुदूरपश्चिम संयोजक चुडामणी भट्ट, दार्चुला बहुमुखी क्याम्पसका उप(प्रध्यापक धाना धामी, महाकाली नगरपालिका वडा नम्बर ४ का वडाअध्यक्ष जगतबहादुर चुनारा लगायत कार्यपालिका सदस्यहरू, प्रेस चौतारी नेपाल दार्चुलाका अध्यक्ष लोकेन्द्र प्रसाद जोशी, विभिन्न संघ, संस्था र संगठनका प्रमुख एवम् प्रतिनिधिहरूको आतिथ्यता रहेको बाल संगठन दार्चुलाका सदस्य तथा उद्घोषक आनसिंह बडालले जानकारी दिनुभयो ।
