दुहुँ गाउँपालिकामा नयाँ प्रमुख प्रशासकीय अधिकृतको स्वागत

दार्चुला । दुहुँ गाउँपालिकामा नयाँ प्रमुख प्रशासकीय अधिकृतको रूपमा आएका दिनेश जोशीको आज स्वागत गरिएको छ । संघीय सरकारले दुहुँमा नयाँ प्रमुख प्रशासकीय अधिकृत खटाएसँगै कार्यालयमा दुहुँ गाउँपालिका उपाध्यक्ष शान्ति बम, कार्यालयका कर्मचारीले स्वागत गरे ।
जोशीले सोमबारबाटै कार्यभार सम्हालेका छन् । गाउँपालिकाका अध्यक्ष नरेन्द्रबहादुरसिंह बडालले प्रमुख प्रशासकीय अधिकृत जोशीको कार्यकुशलता, अनुभव र नेतृत्व क्षमताबाट प्रशासनिक कार्यमा पारदर्शिता, जवाफदेहिता र प्रभावकारिता कायम हुने विश्वास व्यक्त गरेका छन् ।
‘गाउँपालिकाका नागरिक, जनप्रतिनिधि, कर्मचारी तथा सरोकारवालाबीच सहकार्य र समन्वयमार्फत समग्र विकासमा उल्लेखनीय योगदान पुग्ने अपेक्षा गरिएको छ,’ उनले भनेका छन ।
गाउँपालिकाले प्रमुख प्रशासकीय अधिकृत जोशीको कार्यकाल सफल, फलदायी र जनमैत्री होस् भन्ने शुभकामना पनि व्यक्त गरेको छ ।
यसअघि निमित्त प्रमुख प्रशासकीय अधिकृतको रुपमा बीरसिह धामीले गरेको कामको प्रंशसा समेत गरिएको छ । उनले भनेका छन्, ‘अहिलेसम्म प्रमुख प्रशासकीय अधिकृतको जिम्मेवारी कुशलतापूर्वक सम्हाल्दै आएका धामीप्रति गाउँपालिका कृतज्ञता प्रकट गर्दै, संघीय सरकार र सम्बन्धित निकायप्रति पनि हार्दिक आभार प्रकट गर्दछु ।’