दार्चुला । दार्चुलामा प्रहरीले खैरौ हिरोइनसहित शुक्रबार दुई जनालाइ पक्राउ गरेको छ । पक्राउ पर्नेमा लेकम गाउँपालिका वडा नम्बर २ का सन्तोश जोशी र शैल्यशिखर नगरपालिका वडा नम्बर ९ रामबहादुर चन्द रहेको जिल्ला प्रहरी कार्यालय दार्चुलाका सूचना अधिकारी एवं प्रहरी निरीक्षक ज्ञानेन्द्र बहादुर सिंहले जानकारी दिए ।
उनीहरुलाई ईलाका प्रहरी कार्यालय गोकुलेश्वरबाट खटिएको टोलीले शैल्यशिखर नगरपालिका– ९ गोकुलेश्वरबाट ४ सय मिलिग्राम खैरौ हिरोइनसहित पक्राउ गरेको हो ।
पक्राउ परेका दुवै जनालाई थप अनुसन्धान भइरहेको छ ।
यसअघि इलाका प्रहरी कार्यालय गोकुलेश्वरले नै भदौ ९ गते ९८० मिलिग्राम खैरो हिरोइनसहित तीन जनालाई पक्राउ गरेको थियो । पछिल्लो समय दार्चुलाको गोकुलेश्वरमा खैरो हिरोइन सेवनकर्ता बढ्दै गएपछि प्रहरीले सक्रियता बढाएको छ ।
खैरौ हिरोइनसहित गोकुलेश्वरमा दुई जना पक्राउ
