सुदुरपश्चिम — सुदुरपश्चिम प्रदेश सरकारले यस वर्षको गौरा पर्वको अवसरमा भोलि र पर्सि दुई दिनका लागि प्रदेशभर सार्वजनिक बिदा दिने निर्णय गरेको छ। बुधबार बसेको मन्त्रिपरिषद् बैठकले गौरा पर्वलाई प्रदेशको साझा सांस्कृतिक पहिचानका रूपमा सम्मान गर्दै बिदा दिने निर्णय गरेको हो।
प्रदेश सरकारका अनुसार बिदाका दिन सरकारी कार्यालय, सार्वजनिक संस्था तथा शैक्षिक निकायहरु बन्द रहनेछन्। यस निर्णयले धार्मिक तथा सांस्कृतिक महत्व बोकेको गौरा पर्वलाई अझ भव्य र उल्लासपूर्वक मनाउन टेवा पुग्ने विश्वास लिइएको छ।
गौरा पर्व सुदुरपश्चिम प्रदेशको प्रमुख सांस्कृतिक पर्वमध्ये एक हो, जसमा महिलाहरुले गौरा र महेशको पूजा–अर्चना गर्दै देउडा गीत तथा नृत्यसँगै सामूहिक उत्सवको रुपमा मनाउने परम्परा रहेको छ।
