दार्चुला । नेकपा एमालेका पोलिटब्यूरो सदस्य तथा पूर्वमन्त्री गणेशसिंह ठगुन्नाले संघ र प्रदेशको बजेट बिनियोजनमा दार्चुलालाई निरन्तर हेपिएको बताएका छन् ।
जिल्ला समन्वय समिति दार्चुलाले आयाेजना गरेकाे जिल्लाकाे वार्षिक समीक्षा बैठकमा यस्ताे बताएका हुन् ।
भौगोलिक विकटताले विकास निर्माणमा ढिलाइ भइरहेको छ । झन जिल्लामा हरेक वर्ष विकास बजेट घट्दै गएको छ । बजेट अभावकै कारण विकास निर्माण कार्य प्रभावित भएको ठगुन्नाले बताए ।
`विकास एकताबद्ध भएर गर्नुपर्छ। स्टेपवाइज योजनाअनुसार अघि बढ्दा मात्र परिणाम देखिन्छ,´ उनले भने । पूर्वमन्त्री ठगुन्नाले जिल्लाका सबै तहका जनप्रतिनिधिलाई सामूहिक प्रयासमा जोडिन आग्रह गरे ।
ठगुन्नाका अनुसार बजेटको समीक्षा गरेर निर्णय गराउँदै संघ र प्रदेशमा दबाब बढाउनुपर्ने र यसमा सांसद तथा जनप्रतिनिधिले सक्रिय चासो लिनुपर्ने बताए ।
अहिले महाकाली करिडोर र दार्चुला-टिंकर सडकमा बजेट न्यून छ । यसमा हामी पनि निराश छाैं । त्रिदेशीय क्षेत्र र सामरिक महत्त्व बाेकेकाे सडकमा बजेट बढाउन अझै पहल गरिन्छ उनले भने । बजेट बढाउने सन्दर्भमा हाम्रा जिल्लाकै सासंदकाे नेतृत्वमा जान्छाैं । हामी सँगै हातेमालो गर्न तयार छाै ।
विकास निर्माणमा सामुहिक प्रयास हुनुपर्छ । टिंकर सडक निर्माणमा भइरहेको ढिलाइका कारण पैदल बाटाे बनाउनु परेकाे छ । हाम्रा नागरिकलाई आफ्नै भूमि भएर हिडाउन लाग्नुपर्छ । अझै व्यासीकाे कुञ्चा सार्न व्यास गाउँपालिकाकै नेतृत्वमा गराैं उनले भने ।
´बजेट विनियोजनमा लापरबाही हुँदा नागरिक आफ्नै भूमिबाट नहिँड्ने अवस्था आउनु दुःखद हो। नेपाली स्वाभिमान कमजोर हुन दिनु हुन्न´ उनले भने ।
उनले स्थानीय तहका योजना टुक्रा–टुक्रा भएर प्रभावकारी नभएको उल्लेख गर्दै योजना छनोट प्रणालीमै समस्या रहेको बताए। ´वार्षिक सयौँ योजना बनाए पनि जनतासम्म पुग्न सकेका छैनन् ।´ यतिका याेजना कहाँ कार्यान्वयन भइरहेका छन् ।
अहिलेकाे स्थानीय सरकारलाई अझै बलियाे बनाउन लाग्नुपर्छ । जनताको सबैभन्दा बढि आशा स्थानीय सरकारसँग हुन्छ । प्रदेशका बजेट जनतासम्म पुग्न सकेको छैन्। अधिकार मात्रै नभएर बजेटमार्फत स्थानीय सरकार मजबुत बनाउन पहल गराैं उनकाे भनाइ छ ।
पालिकाले नागरिकका दैनिक आवश्यकता र सानातिना समस्या समाधानमा लाग्ने हाे । मध्यम खालका र ठूला याेजना संघीय सरकारले जिम्मा लिनुपर्छ उनले भने ।
आफू मन्त्री हुँदा हिमाली समृद्धि योजना कटौतीबारे सबैले आवाज उठाउन जरुरी छ, ठगुन्नाले भने।
जिल्ला समन्वय समिति प्रमुख महादेव बडू कस्यपकाे अध्यक्षतामा भएको समिक्षा कार्यक्रममा दार्चुलामा ९ वटा स्थानीय तह र ११ वटा सरकारी कार्यालयले कार्यालयकाे वार्षिक प्रस्तुति राखेका थिए ।
