काठमाण्डौ – सेन्ट्रल एसियन भलिबल एसोसिएशन काभा पुरुष भलिबल नेसन्स लिगमा नेपाली टोली लगातार दोस्रो खेलमा पराजित भएको छ ।
आज सोमवार घरेलु टोली किर्गिस्तानसँगको खेलमा नेपाल ३–१ को सेटमा पराजित भयो । पहिलो सेट किर्गिस्तानले २६–२४ ले जित्दा दोस्रो सेट नेपालले २५–२१ ले जित्दै खेलमा फर्किने सङ्केत गरेको थियो । तर नेपालले तेस्रो सेट २५–१८ र चौथो सेट २५–१६ ले हार्यो ।
नेपाल पहिलो खेलमा मङ्गोलियासँग ३–१ ले पराजित भएको थियो । लगातार दोस्रो हारसँगै नेपाल अङ्कविहीन छ । अब नेपालले भोलि मङ्गलवार इरानसँग, बिहीवार तुर्केमिनिस्तानसँग, शुक्रबार किर्गिस्तानको अर्को टोली र आइतवार उज्वेकिस्तानसँग खेल्नेछ ।
