गोकुलेश्वर क्यापसमा स्ववियु अध्यक्षमा सुनिल डागाको उम्मेदवारी

दार्चुला । गोकुलेश्वर बहुमुखी क्याम्पस, गोकुलेश्वरमा स्वतन्त्र विद्यार्थी युनियन स्ववियुको चैत २७ गते हुन गईरहेको निर्वाचनमा अध्यक्षमा सुनिल डागाले उम्मेदवारी दिएका छन् । अनेरास्ववियुकाे तर्फबाट अध्यक्षमा सुनिल डाँगा उम्मेदवारका रूपमा उम्मेदवारी दर्ता गरेक हुन।

चैत्र २७ गते हुन गइरहेको स्वतन्त्र विद्यार्थी युनियनको निर्वाचनमा अनेरास्ववियुकोतर्फबाट स्ववियु अध्यक्ष पदका उम्मेदवार सुनिल डागा विद्यार्थीहरूमाझ लोकप्रिय र स्थापित विद्यार्थी नेता हुन् ।

उनी नियमित विद्यार्थी पनि हुन् । विद्यार्थीहरूका हरेक समस्याहरूका आवाज उठाउँदै आइरहेका छन् विद्यार्थीहरूका हकहितका लागि उनले विभिन्न किसिमका रचनात्मक क्रियाकलापहरू क्याम्पसमा चलाउँदै आइरहेका छन् उनी सानै उमेरदेखि अनेरास्ववियु विद्यार्थी राजनीतिमा सक्रिय व्यक्ति हुन्।

उनले विद्यार्थी राजनीति अनेरास्ववियु गोकुलेश्वर मावि कमिटी सचिव देखि सुरु गरेर गोकुलेश्वर क्याम्पस कमिटी सदस्य हुँदै स्वतन्त्र विद्यार्थी युनियन गोकुलेश्वर बहुमुखी क्याम्पस सह सचिव हुँदै अनेरास्ववियुको १४औं जिल्ला अधिवेशनबाट उपाध्यक्ष पदमा निर्वाचित भए हाल उनी अनेरास्ववियु बाट गोकुलेश्वर बहुमुखी क्याम्पस सभापति पदका उम्मेदवार हुन्।

क्याम्पसको शैक्षिक तथा संस्थागत सुधार, विद्यार्थी हकअधिकारको संरक्षण, स्ववियुको सशक्तीकरण उनकाे मुख्य एजेन्डा छ ।

सम्बन्धित समाचार

ताजा समाचार