दार्चुला । दार्चुलाको दुहुँ गाउँपालिकामा नेकपा एमाले को दोस्रो पालिका अधिवेशन सम्पन्न भएको छ । उदय सिंह बडालको अध्यक्षतामा नयाँ नेतृत्व चयन गर्दै अधिवेशन सम्पन्न भएको हो । अध्यक्षमा निर्वाचित बडाल एमाले दार्चुलाको पूर्व जिल्ला कमिटी उपाध्यक्ष समेत हुनुहुन्छ ।
गाउँपालिका कमिटी उपाध्यक्षमा महिमन कुवँर, सचिवमा पदम बाेहरा, उपसचिवमा कलावती महरा र रण बहादुर कुवँर निर्वाचित भएका छन् । दुहुँ गाउँकमिटीका निवर्तमान अध्यक्ष जगं बहादुर बमको अध्यक्षतामा उद्घाटन भएको कार्यक्रममा सुदूरपश्चिम प्रदेश कमिटी सदस्य माेहन सिह धामीको प्रमुख आतिथ्यता रहेको थियो ।
एमाले जिल्ला कमिटी अध्यक्ष ज्ञानेन्द्र घर्तीसहित पदाधिकारी, प्रदेश कमिटी सदस्य गौरी बडाल लगायत नेताहरु, जिल्ला कमिटी सदस्यहरूको आतिथ्यता रहेको अधिवेशन सर्वसहमतिमै नेतृत्व चयन गर्दै सम्पन्न भएको एमाले जिल्ला कमिटी ;lrj pd]z जोशीले बताउनुभयो ।
