अगामी वर्ष २०८१ सालको जिल्लास्तरीय १५ औँ राष्ट्रपति रनिङ सिल्ड प्रतियोगिता जिल्लाको मार्मा गाउँपालिकामा आयोजना गरिने भएको छ । जिल्ला खेलकुद समिति दार्चुलाले १४ औँ जिल्लास्तरीय राष्ट्रपति रनिङ सिल्ड प्रतियोगिता समापनको दिन गाउँपालिका अध्यक्ष जमन सिह धामीलाई खेलकुद समितिले झण्डा हस्तान्तरण गरेर १५ औँ राष्ट्रपति रनिङ सिल्ड प्रतियोगिता मार्मा गाउँपालिकामा संञ्चालन गर्ने जनाएको हो ।
दुई वर्ष लगातार जिल्ला सदरमुकाम क्षेत्रमा रनिङ सिल्ड प्रतियोगिता आयोजना गरिएको भन्दै विभिन्न क्षेत्रबाट गुनासो आएपछि अगामी वर्षको १५ औँ जिल्लास्तरीय राष्ट्रपति रनिङ सिल्ड प्रतियोगिता मार्मा गाउँपालिकाको लटिनाथमा संञ्चालन हुने खेलकुद समिति दार्चुलाका कार्यालय प्रमुख श्यामराज अवस्थीले जानकारी दिनु भएको छ ।
राष्ट्रपति रनिङ सिल्ड प्रतियोगिता संञ्चालनकै लागि मार्मा गाउँपालिकाले वडा ३ लटिनाथमा फिल्ड निर्माण गरिसकेको छ । प्रतियोगिता संञ्चालनका लागि आजै देखि आवश्यक तयारी होस भन्नका लागि खेलकुद विकास समितिले मार्मा गाउँपालिकामा १५ औँ जिल्लास्तरीय प्रतियोगिता संञ्चालन गर्ने निर्णय गरेको हो । यस अघि १३ औँ र १४ औँै जिल्लास्तरीय रनिङ सिल्ड प्रतियोगिता महाकाली नगरपालिको वडा ४ शिवनगर खेलमैदानमा सम्पन्न भएका छन ।
जिल्ला खेलकुद समितिले यस अघि लेकम गाउँपालिकाको लाली, शैल्यशिखर नगरपालिकाको गोकुलेश्वर, बलाच,मार्माको लटिनाथ, अपि हिमाल गाउँपालिकाको खण्डेश्वरीमा प्रतियोगिता सम्पन्न गरेको जनाएको छ ।
