दार्चुला । दार्चुलामा गौरा पर्वलाई लक्षित गर्दै मदिरा बिक्री बितरणमा राेक लगाएको छ । प्रशासनले गौरा पर्वलाई सुरक्षित, शान्तिपूर्ण रूपमा मनाउन मदिरा बिक्री बितरणमा राेक लगाएको हाे ।
प्रशासनले शनिबारदेखि गौरा पर्व सम्पन्न नभएसम्मको अवधिभर मदिरा बिक्री, वितरणमा राेक लगाइएको जिल्ला प्रशासन कार्यालयले सूचनामार्फत जानकारी गराएको छ ।
शैल्यशिखर नगरपालिकाको वडा नं. ६ अन्तर्गत उलानी, चाैतलीचाैड, मालिकार्जुन गाउँपालिकाको सम्पूर्ण क्षेत्र तथा महाकाली नगरपालिकाको वडा नं. ७ र ८ मा पर्ने गौरामेलास्थल नजिक मदिरा प्रयोगमा कडाइ गरिएको छ।
प्रमुख जिल्ला अधिकारी अनिल पाैडेलद्वारा हस्ताक्षरित सूचनामा कानुन उल्लंघन गरेकाे पाइएमा प्रचलित कानुनअनुसार कारबाही हुने बताइएको छ। गौरा पर्वलाई सभ्य र मर्यादित ढंगले मनाउन आग्रह गरिएको छ ।
