दार्चुलाको दुहुँ गाउँपालिका वडा नम्बर ३ मा बिहीबार राति आएको पहिरोका कारण वडा कार्यालयमा क्षति पुगेको छ । वडा माथिबाट आएको पहिरो वडा कार्यालयभित्र पसेपछि कार्यालयमा क्षति पुुगेको हो ।
नवनिर्मित भवनमा क्षति पुगेपछि वडाको सेवा ठप्प भएको वडा अध्यक्ष देवबहादुर बमले जानकारी दिए । ‘भवनको कार्यकक्षभित्र पहिरो पसेको छ,’ वडा अध्यक्ष बमले भन्नुभयो, ‘पहिरो पन्छयाउन समस्या लाग्ने भएको हुँदा सेवा प्रवाहमा समस्या भएको छ ।’
भवनभित्र रहेका कुर्सी कागजातमा समेत क्षति पुगेको छ । वडा कार्यालय भवनमा क्षतिपुगेपछि सर्वसाधारणलाई सिफारिस उपलब्ध गराउन समेत समस्या भएको वडा अध्यक्ष बमले बताए ।
