महाकाली नगरपालिकाले नगरभित्रका घरधुरीमा पुगेर डेंगु खोज्दै नष्ट गर्दै अभियान थालेको छ । महाकाली नगरपालिका स्वास्थ्य शाखाले डेंगु खोज तथा नष्ट अभियान चलाएको हो ।
नगरपालिकाभित्रका वस्तीहरुमा स्वास्थ्यकर्मी पुगेर डेंगु खोज्ने तथा नष्ट गर्ने अभियान चलेको छ । घर घरमा स्वास्थ्यकर्मी डुल्दै पानी तथा झाडीमा रहेका डेंगु खोजेर नष्ट गर्ने काम भइरहेको नगरपालिका स्वास्थ्य संयोजक जयबहादुर फर्सवानले जानकारी दिए । डेंगु बाट बच्ने उपाय सिकाउनुको साथै लार्भा भेटिएमा नष्ट गर्ने अभियान चालिएको उनले बताए ।
