दार्चुला । सारथी एफ एमका स्टेशन म्यानेजर नरेन्द्रसिह कार्की पुरस्कृत भएका छन् । प्रेस काउन्सिल नेपालले आफ्नो ५४औँ वार्षिकत्सवका अवसरमा कार्कीलाई पुरस्कृत गरेको हो । काउन्सिलले शनिवार बिहान आयोजना गरेको कार्यक्रममा राष्ट्रपति रामचन्द्र पौडेलको उपस्थितिमा कार्कीलाई पुरस्कृत गरेको हो । कार्कीलाइ सूचना सञ्चार तथा प्रविधि मन्त्री रेखा शर्माले पुरस्कार प्रदान गरे । प्रेस काउन्सिल युवा पत्रकारिता पुरस्कारबाट कार्की लगायत १९ जना पत्रकारलाई दिइएको छ । पुरस्कार पाउनेमा सुदूरपश्चिमका मीन ठकुरी, कृष्ण ओली रहेका छन् । कार्की दार्चुलामा सञ्चालित सारथी एफ एम, सारथी खबर डटकम, नयाँ पत्रिका दैनिकमा रिपोर्टिङ गर्छन् ।
प्रेस काउन्सिल युवा पत्रकारिता पुरस्कारबाट पत्रकार कार्की पुरस्कृत
