दार्चुला । दार्चुलामा लागूऔषध चरेससहित प्रहरीले दुई जना पक्राउ गरेको छ । शैल्यशिखर नगरपालिका–९ नायलबाट एक महिला र पुरुष चरेससहित पक्राउ गरेको हो ।
पक्राउ पर्नेमा बैतडीको पुर्चौडी नगरपालिका–४ भटनाका ३५ वर्षीया भावना धामी र सोही ठाउँका ४४ वर्षिय जय बहादुर धानुक रहेको जिल्ला प्रहरी कार्यालय दार्चुलाका सूचना अधिकारी ज्ञानेन्द्र बहादुर सिंहले जानकारी दिए ।
विशेष सूचनाको आधारमा इलाका प्रहरी कार्यालय गोकुलेश्वर र जिल्ला प्रहरी कार्यालय दार्चुलाबाट खटिएको टोलीले चेकजाँच गर्दा उनीहरुको साथबाट ८ किलो ८५० ग्राम चरेस बरामद गरेको उनले बताए ।
धामीको साथबाट ६ किलो र धानुकको साथबाट २ किलो ८५० ग्राम चरेस बरामद गरिएको छ । दुवै जनालार्ई नियन्त्रणमा लिएर थप अनुसन्धान भइरहेको प्रहरीले जनाएको छ । यसअघि प्रहरीले लटिनाथबाट ६ किलो ५६५ ग्राम चरेश सहित एक जना पक्राउ गरेको थियो । यस्तै आर्थिक वर्ष ०७९।०८० मा प्रहरीले विभिन्न स्थानबाट १३ किलो चरेश बरामद गरेको थियो ।
दार्चुलामा चरेससहित दुई जना पक्राउ
