दार्चुला । नेकपा एमालेको भातृ संगठन अखिल नेपाल महिला संघको प्रथम नगर अधिवेशनले शान्ति खडायतलाई अध्यक्षमा चयन गरेको छ । शैल्यशिखर नगरपालिकामा शुक्रबार भएको भेलाले नगर उपप्रमुख समेत रहेका खडायतलाई अध्यक्षमा चयन गरेको हो ।
भेलाले खडायतको नेतृत्वमा २३ सदस्यीय कमिटी चयन गरेको छ । यस्तै आजै भएको राष्ट्रिय युवा संघको भेलाले हरिशसिह ठगुन्नाको नेतृत्वमा ३३ सदस्यीय नगर कमिटी चयन गरेको छ । राष्ट्रिय युवा संघको उपाध्यक्षमा हरिदत्त जोशी, सचिवमा डम्बरसिह धामी, कोषाध्यक्षमा रमेश विष्ट र सहसचिवमा प्रेमसिह डागा चयन गरिएको राष्ट्रिय युवा संघका केन्द्रीय सदस्य एवंम् जिल्ला इन्चार्ज कमल विष्टले बताए ।
नेकपा एमाले प्रदेश कमिटी सचिवालय सदस्य रामदत्त जोशीको प्रमुख आतिथ्यतामा भएको अधिवेशनमा नेकपा एमाले शैल्यशिखर नगर कमिटी इन्चार्ज एवंम् नगरप्रमुख विजयसिह धामी, जिल्ला कमिटी सचिवालय सदस्य गंगादत्त जोशी, कर्ण बहादुर खडायत र राष्ट्रिय युवा संघका केन्द्रीय सदस्य एवंम् जिल्ला इन्चार्ज कोमल विष्ट अतिथि रहेका थिए ।
