दार्चुला – अपी हिमाल आरोहणको लागि पहिलो पटक १५ सदस्यीय टोली दार्चुला आउँदैछ । सुदूरपश्चिम प्रदेशको दार्चुलामा अवस्थित अपिहिमाल आरोहणको लागि टोली शुक्रबार काठमाण्डौंबाट हिडेको हो ।
नेपाल पर्वतारोहण संघ (एनएमए)ले काठमाडौँमा आयोजना गरेको विशेष विदाई कार्यक्रममा संस्कृति, पर्यटन तथा नागरिक उड्डयन मन्त्री बद्री पाण्डेले टोलीलाई शुभकामना सहित विदाई गरेका छन् ।
मन्त्री पाण्डेले अपी हिमालको पहिलो आरोहणलाई सुदूरपश्चिम प्रदेशका लागि ऐतिहासिक र सुखद क्षण भन्दै यसले क्षेत्रको पर्यटन प्रवद्र्धनमा टेवा पु¥याउने विश्वास व्यक्त गरे ।
यसअघि सरकारले राजपत्रमार्फत सुदूरपश्चिम र कर्णाली प्रदेशका ९७ वटा हिमालमा दुई वर्षका लागि आरोहण शुल्क छुट दिने निर्णय गरेको थियो । त्यससँगै अपी हिमाल आरोहण अभियान औपचारिक रूपमा सुरु भएको हो ।
विदाई कार्यक्रममा मन्त्री पाण्डेले भने, ‘यो अभियानले स्थानीयस्तरमा सहकार्य र समन्वयलाई बढाउनेछ । साथै सुदूरपश्चिम र कर्णाली प्रदेशको पर्यटन विकासमा नयाँ अवसर सिर्जना हुनेछ ।’
शेर्पा र गैर–शेर्पा आरोहीहरूको संयुक्त टोलीमा अपी गाउँपालिकाबाट समेत प्रतिनिधित्व रहनेछ । जोखिमपूर्ण भए पनि स्थानीयलाई समावेश गरेर अघि बढाइएको अभियानलाई प्रदेशमा पर्यटन र पर्वतारोहण विकासको नयाँ ढोका मानिएको छ।
