दार्चुला । दार्चुलाका ९ ओटै स्थानीय तहले पहिलोपटक प्रमुख प्रशासकीय अधिकृत पाएको छ । संघिय मामिला तथा सामान्य प्रशासन मन्त्रालयले दार्चुलाका दुई नगरपालिका र तीन गाउँपालिका गरि ५ स्थानीय तहमा थप प्रमुख प्रशासकीय अधिकृत खटाइए सँगै सबै स्थानीय तहमा प्रमुख प्रशासकीय अधिकृत पाएको हो ।
लामो समयदेखि निमित्तको भरमा चलिरहेका स्थानीय तहमा नयाँ प्रमुख प्रशासकीय अधिकृत मन्त्रालयले बिहीबार खटाएको छ । मन्त्रालयका अनुसार दार्चुलाको महाकाली नगरपालिकामा अनुप केसी र शैल्यशिखर नगरपालिकामा राजु कुँवरलाई नयाँ प्रमुख प्रशासकीय अधिकृतको जिम्मेवारीमा खटाइएको छ । उनीहरु दुवै जना उपसचिव हुन् ।
त्यस्तै मालिकार्जुन गाउँपालिकामा जनकसिंह उखेडा, व्याँस गाउँपालिकामा डिल्ली बहादुर खड्का र अपिहिमाल गाउँपालिकामा खगेन्द्रराज जोशीलाई प्रमुख प्रशासकीय अधिकृतको रुपमा खटाइएको छ ।
यहाँको लेकम, दुहुँ र मार्मा गाउँपालिकामा गत असारमा नयाँ प्रमुख प्रशासकीय अधिकृत खटाइएको थियो । जसअनुसार दुहुँमा दिनेश जोशी, लेकममा दिपकरा जोशी, ध्रमेन्द्र जोशी खटाएको थियो । नौगाड गाउँपालिकामा पुष्करसिह धामी प्रमुख प्रशासकीय अधिकृतको रुपमा कार्यरत छन् ।
