दार्चुला । महाकाली नगरपालिका वडा नम्बर १ काे लास्कु बस्ती क्षेत्रकाे पूर्वमन्त्री गणेशसिह ठगुन्नाले स्थलगत निरीक्षण गरेका छन् ।
दुई दिनअघि लास्कु बस्तीमा दशरथनगर आधारभूत विद्यालय भवनको घेरपर्खाल भत्किएपछि वस्ती जाेखिममा परेकाे छ ।
विद्यालयकाे पूरै घेरपर्खाल भत्किएर आउदा लास्कू क्षेत्रका तीन घरमा क्षति पुगेकाे छ ।
राति एक्कासि पहिराे आएपछि अहिले परिवार विस्थापित हुने अवस्था आएकाे छ, स्थानीय बीरसिह धामीले भने, पहिराेका कारण कहाँ बसाइँ सर्ने भएको छ ।
स्थानीय रेखा लुहार माथिबाट आउने पहिराेले गाउँ विस्थापित हुने अवस्थामा पुगेकाे बताइन् । माथि पहिराे छ, घर तलबाट लास्कुखाेलाले कटान गरिरहेकाे छ । राति निद्रा लाग्नै छाेडेकाे उनले बताइन् ।
स्थानीयलाई तत्काल सुरक्षित स्थानमा स्थानान्तरण गर्नुपर्ने उनिहरूकाे माग छ ।
यश क्षेत्रका तीन परिवारलाई अन्यत्र राख्नुपर्ने अवस्था आएकाे वडा नम्बर १ का वडाअध्यक्ष माेहनसिह महराले जानकारी दिए । अहिले तत्काललाई वडाले व्यवस्थापन गर्ने गरि तयारी भएको उनले बताए ।
पहिराे क्षेत्रकाे निरीक्षण गर्दै ठगुन्नाले पीडित परिवारलाई सुरक्षित स्थानमा स्थानान्तरणकाे लागि स्थानीय सरकार र जिल्ला प्रशासनमार्फत पहल गर्ने बताए । पहिले विस्थापित परिवारलाई पारम्भिक राहत वडा पालिकाबाट व्यवस्थापन गराैं । बाकी जिल्ला प्रशासन कार्यालयमार्फत के गर्न सकिन्छ त्यहाँ छलफल गराैंला,उनले भने ।
अनुगमन निरीक्षणमा नेकपा एमाले केन्द्रीय सदस्य हरदेव जाेशी, जिल्ला कमिटी अध्यक्ष ज्ञानेन्द्र घर्ती, महाकाली नगरपालिका उपप्रमुख दुर्गाकुमारी खत्री विष्ट, पार्टी जिल्ला सचिव उमेश जाेशी लगायतको सहभागीता रहेकाे थियाे ।
