दार्चुला । पूर्वमन्त्री तथा नेकपा (एमाले) पोलिटब्यूरो सदस्य गणेशसिंह ठगुन्नाले राष्ट्रियताको एजेन्डा उठाएकै कारण चुनावमा पराजित भएको दाबी गरेका छन् ।
आफुले भारतले अतिक्रमण गरेकाे कालापानी, लिपुलेक र लिम्पियाधुराकाे आवाज संसद र बाहिर उठाएको कारण पराजित भएको बताएका हुन् ।
´राष्ट्रियता बोलेको कारण म हार्नुपर्यो, भारतले ठूलो खर्च गर्यो,´ उनले भने । राष्ट्रियताकाे मुद्दा सबैको साझा हाे । याे हाम्रो भूमि हाे यसकाे आवाज जहिल्यै उठिरह्नछ । आफू जनप्रतिनिधि हुँदा नहुँदा पनि राष्ट्रियताकाे विषय उठाउन छाेडिदैन, उनले भने ।
उनले कालापानी–लिपुलेक–लिम्पियाधुराको मुद्दा उठाएबाफत आफूलाई हराउन भारतले १५–२० करोड रुपैयाँ खर्च गरेको आरोप लगाए ।
´राष्ट्रियताकाे सवालमा हामी प्रष्ट छाैं,` उनले भने, याे भूमिकाे विषयमा हामी निरन्तर खबरदारी राख्छौं ।
भारतले मिचेकाे भूमि नेपालकाे नक्सामा समेट्ने काम प्रधानमन्त्री केपी शर्मा ओलीकाे नेतृत्वमा भएको थियाे ।
व्याँसका नागरिकको लागि नेपालकै भूमि भएर आवतजावत गर्न बाटाेमा बजेट हालिएको उनले बताए । ५ करोड बजेटबाट पैदल हिँड्नुपर्ने बाटो बनाउन खोज्दा अवरोध गरियो पत्रकार सम्मेलनमा ठगुन्नाले भने, टेण्डर हुँदा समेत मुद्दा हालियो ।`
नेपालीले जहिल्यै भारतबाट आवतजावत गर्दा टाेपी फुकाउनु पर्ने अवस्था अन्त्य गर्न खाेजिएकाे हाे । तर यहाँ बाटाे बनाउन नदिने सडयन्त्र भयाे उनले भने । टेण्डर भइसक्दा पनि मुद्दा हालेर बाटाे निर्माणमा एक महिना ढिलाइ भयाे ।
फेरि पनि नागरिकलाई कुञ्चा नेपालकै बाटाे ल्याउन पहल हुने उनले बताए ।
सडकमा बजेट हाल्न आफुले गर्न सक्ने पहल गरेकाे हु । सडक बन्दै गर्छ उनले भने, सडक सँगै नागरिक हिडन बाटाे चाहिन्छ ।
उनले भने, मैले बाटाे बनाउन पहल गरे, सडकमा बजेट प्रयास गरेनन् भनेर आराेप लगाउनेहरूले निर्वाचित सांसदले पाउने ३ करोड रुपैयाँ मन्दिरमा किन हालियाे भनेर भन्न किन सक्दैनन् ।
कम्तीमा त्याे बजेट मन्दिरमा हाल्नु भन्दा सडकमा हालेकाे भए थाेरै काम अघि बढ्थ्याे हाेला नि, उनले भने ।
उनले आफ्नो कार्यकालमा मात्रै महाकाली करिडोरका लागि १ अर्ब ३ करोड, ग्रामीण विद्युतीकरणका लागि १ अर्ब ३२ करोड, गोकुलेश्वर विमानस्थलका लागि ५० करोड, अस्पताललगायत पूर्वाधारमा बजेट ल्याएको दाबी गरे । उनले आफ्नाे कार्यकालमा ल्याएको बजेट तथ्यगतरूपमा पत्रकार सम्मेलनमा राखे । अरूले गरेका काम पनि बाहिर ल्याउनुस् ।
अहिले जिल्लाभरि विद्युतीकरणकाे काम भइरहेकाे छ ।
गठबन्धनपछि विकास रोकियो
ठगुन्नाका अनुसार २०७९ सालमा गठबन्धन बनेपछि दार्चुलामा विकासका काम ठप्प भएकाे बताए ।
´मैले हुँदा महाकाली करिडोरमा ३ अर्ब २८ करोडसम्म बजेट ल्याएको थिएँ, अहिलेका सांसद–मन्त्रीले निरन्तरता दिन सकेनन्,´ उनले आरोप लगाए ।
मैले भन्दा अरूले याे भन्दा बढी बजेट विनियोजन गरे म पनि धन्यवाद दिउला । पछिल्लो समय भएका जनप्रतिनिधिले सडक र जिल्लाकाे विकासकाे लागि बजेट ल्याउन नसकेकाे उनलेे बताए ।
सडक र विकास निर्माणमा बजेट ल्याउने जिम्मेवारी निर्वाचित जनप्रतिनिधिको हुन्छ । कुन दलबाट अहिले जनप्रतिनिधि छन्, उनीहरूलाई याे प्रश्न गर्दा ठिक हुन्छ ।
खलंगा- खार- खण्डेश्वरी सडक खण्ड नेकपा हुँदा जिल्लाका सबै सांसद एक भएर राष्ट्रिय गाैरबकाे सडकको रूपमा राखिएको हाे । तर अहिलेका जनप्रतिनिधिले याे सडकमा कहाँबाट बजेट ल्याउने बाटाे समेत थाहा पाएनन् ।
गाेकुलेश्वर एयरपोर्टमा आफ्नाे कार्यकालमा ५० कराेड बजेट सुनिश्चितता गराए उनले भने, त्याे बेला पूरै रकमकाे ठेक्का हुन सकेन । थाेरै भए पनि काम अघि बढ्याे । त्यसपछि निर्वाचित सांसदहरूले त्याे कामलाई निरन्तरता दिन नसकेको उनले बताए । अहिले अर्थ मन्त्रालयमार्फत २ कराेड बजेट विनियोजन गराइएको छ ।
अहिले निर्वाचित सासंदलाई डोकामा मत हालेर जिताउने अनि पछि विकास भएन भनेर एमालेलाई गाली गर्ने हो भने त्यो उचित हुँदैन, उनले भने । टुरिष्ट नेता जिताउने अनि विकास कसरी हुन्छ ।
विकासमा प्रतिस्पर्धा गर्न सबैलाई आह्वान गर्दै उनले भने, जो काम गर्छ उसले श्रेय पाउँछ, अहिलेका जिताएकाहरूले सक्दैन भने एमाले गर्छ ।
कार्यालय कटौतीप्रति असन्तुष्टि
दार्चुलामा महाकाली नदी नियन्त्रण आयोजना कार्यालय हटाएर बैतडी सारिएको र बजेटसमेत कटौती गरिएकोमा ठगुन्नाले असन्तुष्टि जनाए ।
´यदि यो काम एमालेले गरेको भए ठूलो हल्ला हुने थियो,´ उनले टिप्पणी गरे ।
अहिले मन्त्री काग्रेसबाटै छन्, संघीय सांसद काग्रेंसकै छ उनले भने, दार्चुलाकाे कार्यालय बैतडी किन सारियाे । याे काम एमालेले गरेकाे भए नारा जुलुस धर्ना हुन्थ्यो । अहिले कार्यालय सारिदा र बजेट कटाैती हुँदा पनि सबै माैन छन् ।
उनले चमेलिया–नौगाड–खलंगामा बाँध निर्माणलगायत अधुरा रहेका पूर्वाधार योजनालाई तत्काल अघि बढाउनुपर्ने बताए ।
