दार्चुला । नेकपा एमाले जिल्ला कमिटी दार्चुलाले पार्टीको विधान संशोधन सम्बन्धि प्रस्ताव सर्वसम्मत पारित गरेको छ । भदाै ७ गते भएको अगुवा कार्यकर्ता भेला तथा भदाै ८ गते सम्पन्न जिल्ला कमिटी बैठकले पार्टीको विधान संसाेधन सम्बन्धि प्रस्ताव सर्वसम्मत पारित गरेकाे हाे ।
दुई दिनसम्म सञ्चालन भएको बैठकले विधान संसाेधनमा राख्नुपर्ने विषय र यथावत राख्नुपर्ने विषयमाथि सर्वसम्मत सहमति भएको जिल्ला कमिटी अध्यक्ष ज्ञानेन्द्र घर्तीले जानकारी दिए ।
१० भदौभित्र विधान संशोधनबारेका सुझाव संकलन गरेर केन्द्रमा पठाउने पार्टीले सर्कुलर गरेकाे छ ।
कतिपय ठाउँमा पूर्वराष्ट्रपति विद्यादेवी भण्डारीलाई पार्टी राजनीतिमा सक्रिय हुन रोक्न नहुने आवाज उठेका बेला दार्चुलामा भने विधान संशोधन प्रस्ताव सर्वसम्मत पारिएको गरिएको अध्यक्ष घर्तीले बताए ।
