दार्चुला – जिल्ला अस्पताल दार्चुलामा नयाँ डाक्टरको रूपमा हिम बिक्रम शाही आएलगत्तै आकस्मिक स्वास्थ्य सेवामा दसई वटा सफल अप्रेसन भएको छ ।
एमडिजीपि डा. शाहीको नेतृत्वमा शुक्रबार राति दुईवटा जटिल शल्यक्रिया (अपरेशन) सफल भएका हाे ।
जिल्ला अस्पताल दार्चुलाका अनुसार महाकाली नगरपालिका–०८ की २३ वर्षीया गर्भवती महिलालाई सुरक्षित प्रसूति गराइएको छ ।
४० हप्ताको पहिलो गर्भ रहेकी उनीमा प्रसव पीडा नलाग्ने, साल पाठेघरको मुख नजिकै रहेको, बच्चा वरिपरिको पानी कमी हुने र बच्चाको तौल बढी हुने जस्ता समस्या देखिएपछि आकस्मिक सिजेरियनमार्फत ४.५ किलो तौलको बच्चा जन्माइएको जिल्ला अस्पताल दार्चुलाले जनाएको छ । अहिले आमा र बच्चा दुवैको स्वास्थ्य अवस्था सामान्य रहेको अस्पतालले जनाएको छ।
उक्त अपरेशन डा. शाहीको नेतृत्वमा डा. राजेश गिरी, एनेस्थेसिया इञ्चार्ज बिनोदकुमार ओखेडा, स्टाफ नर्स लक्ष्मी धामी, कमलसिंह ठगुन्ना र सहयोगी कर्मचारी तारा सिंह बिष्टले सम्पन्न गरेका थिए ।
यस्तै शुक्रबार राति दुहु गाउँपालिका–१ की ५६ वर्षीया भुरीदेवी महरा गम्भीर घाइते भएका उनकाे जिल्ला अस्पताल दार्चुलामा उपचार भइरहेको छ ।
प्
वर्षीया महिला खेतमा काम गर्ने क्रममा भालुको आक्रमणमा परेकी थिइन्। टाउकोमा गहिरो चोट लागेर अत्यधिक रक्तश्रावमा अस्पताल पुगेपछि तत्काल रगत दिएर आकस्मिक अपरेशन गरिएको अस्पतालले जनाएको छ ।
