दार्चुला । नेकपा एमालेका केन्द्रीय सदस्य हरदेव जोशीले जनताको बहुदलीय जनबादको उच्चतम प्रयोगबाट समाजबादको आधार तय हुने बताएका छन् । नेकपा एमालेको मार्गदर्शन सिद्धान्त जनताको बहुदलीय जनवादलाई जनतासम्म पु¥याउनुपर्ने अहिलेको आवश्यकत्ता रहेको औल्याए ।
नेकपा एमाले जिल्ला कमिटी दार्चुलाले आयोजना गरेको जिल्ला स्तरीय अगुवा कार्यकर्ता भेला तथा प्रशिक्षणलाई सम्बोधन गर्दै जनताको बहुदलीय जनवादबाट प्रशिक्षित कार्यकर्ताले गरिब जनतासम्म जनवादको आधारबारे जानकारी गराउनुपर्ने बताए ।
लोकतान्त्रिक संस्कृति र सामाजिक न्यायको जगमा समृद्ध नेपाल, सुखी नेपालीको राष्ट्रिय आकांक्षा पूरा गर्न सकिन्छ उनले भने । शान्तिपूर्ण मार्गबाट नै समृद्ध नेपाल, सुखी नेपालीको राष्ट्रिय आकांक्षा पूरा गर्न अहिलेको समयमा केपी शर्मा ओलीको विकल्प नरहेको उनको भनाई छ ।
समाजवादमा पुग्ने सैद्धान्तिक आधार जनताको बहुदलीय जनवाद हो । उनले थपे, ‘जनताको बहुदलीय जनवादको मौलिक सोचलाई गहिरोसँग आत्मसात् गरेर मात्र समृद्ध नेपाल सुखी नेपालीको राष्ट्रिय आकांक्षा पूरा गर्न सकिन्छ ।
