दार्चुला । नेकपा (एमाले)का पोलिटव्यूरो सदस्य तथा पूर्वमन्त्री गणेशसिह ठगुन्नाले अबको नेतृत्व पनि केपी शर्मा ओलीले नै गर्ने बताएका छन् । नेकपा एमाले जिल्ला कमिटी दार्चुलाले आयोजना गरेको जिल्ला स्तरीय अगुवा कार्यकर्ता भेला तथा प्रशिक्षण भेलालाई सम्बोधन गर्दै यस्तो बताएका हुन् ।
कार्यक्रमलाई सम्बोधन गर्दै पूर्वमन्त्री ठगुन्नाले नेतृत्व उमेरले नभई क्रियाशीलताले तय हुने बताए । उनले भने, ‘आगामी नेतृत्व केपी ओलीकै हो, अझै एक कार्यकाल ओलीको आवश्यकता छ ।’ अहिले पनि एमालेमाथि चौतर्फी प्रहार भइरहेको बेला बलियो नेतृत्वको आवश्यकत्ता रहेको छ ।
एमालेमाथि चारवटा शक्तिले प्रहार गरिरहेको भन्दै पार्टी कार्यकर्ताले यसको विरुद्ध लाग्नुपर्नेृ बताए । खासगरी राष्ट्रविरोधी तत्व र विदेशी दलालले निरन्तर एमालेमाथि प्रहार गरिरहेको ठगुन्नाले बताए । उनले भने, ‘जसले राष्ट्रियता जोगाउने काम ग¥यो त्यहीमाथि हमला छ ।’ यस्तै कम्युनिस्ट पार्टीका खोल ओडेका पार्टी, र उद्देश्य र एजेण्डाविहिन राष्ट्रिय स्वतन्त्र पार्टीबाट अहिले एमालेमाथि प्रहार भएको छ ।
उनले भने, ‘यी चारवटा अराजक शक्तिले एमालेमाथि चौतर्फी घेराबन्दी गरिरहेका छन्, त्यसलाई चिर्न बलियो नेतृत्व र पार्टी एकता अपरिहार्य छ ।’ पार्टी एकताबद्ध गर्न र विरोधीतत्व सँग लड्न जुझारु नेतृत्व ओली नै हुन् ।’
पूर्वराष्ट्रपति विद्या भण्डारीलाई राष्ट्रको गौरवको रूपमा बस्नुपर्ने उल्लेख गरे । अहिले पार्टीमा विद्यादेवी आउनुपर्ने अवस्था होइन् । उनले एमालेमाथि भइरहेको चौतर्फी प्रहारको सामना गर्न कार्यकर्तालाई एकताबद्ध हुन आह्वान गरे ।
कार्यकर्तालाई सामाजिक सञ्जाल सक्रिय रूपमा प्रयोग गर्न आग्रह गर्दै ठगुन्नाले भने, ‘अबको लडाई सामाजिक सञ्जालमार्फत नै हुने भएकाले कार्यकर्ताले लेख्न, बहस गर्न र जनतासँग संवाद गर्न सक्नुपर्छ ।’
