भारत र चीनबीच लिपुलेक क्षेत्रमार्फत व्यापारिक नाका खोल्ने सहमति भएको समाचारप्रति विरोध जनाउँदै नेकपा (एमाले) सँग निकट अनेरास्ववियुले बिहीबार साँझ काठमाडौंस्थित भारतीय राजदूतावासअगाडि प्रदर्शन गरेको छ।प्रदर्शनको क्रममा उनीहरूले मसाल जुलुससमेत निकालेका थिए। राष्ट्रको सार्वभौमिकता र भूमि अखण्डताको रक्षाको सवालमा सरकार गम्भीर बन्नुपर्ने उनीहरूको माग थियो।
अनेरास्ववियुका नेता तथा कार्यकर्ताहरूले लिपुलेक नेपाली भूमि भएको उल्लेख गर्दै भारत–चीनबीच भएको सहमति नेपालको भू–अधिकारमाथिको हस्तक्षेप भएको बताएका छन्।
