चितुवाको छाला सहित एक जना लाई पक्राउ गरेको छ । दार्चुला जिल्लाको शैल्यशिखर नगरपालिका वडा –३ कर्कले बाट चितुवाको छाला सहित एक जना पुरुष लाई प्रहरीले पक्राउ गरेको हो ।
पक्राउ पर्नेमा बैतडी जिल्ला पुचौर्डी नगरपालिका वडा ७ का ५० वर्षिय भान सिह ऐरीलाई पक्राउ गरिएको जिल्ला प्रहरी कार्यालय दार्चुलाका सूचना अधिकारी छत्र रावतले जानकारी दिए ।
सूचना अधिकारी रावतका अनुसार जिल्ला प्रहरी कार्यालयबाट खटिएको प्रहरी टोलीले चितुवाको छाला सहित उनलाई नियन्त्रणमा लिएको बताएका छन ।
पक्राउ परेका ऐरी माथि थप अनुसन्धान भइरहेको बताइएको छ । पक्राउ परेका ऐरीलाई चितुवाको छाला कहाँबाट ल्याएको ,यसमा अन्य सलग्न रहेका ब्याक्ती कोई छन कि भन्ने विषयमा समेत खोजबिन भइरहेको प्रहरीले जानकारी दिएको छ ।
