दार्चुलाको शैल्यशिखर नगरपालिका वडा नम्बर १ ले आफ्नै बजेटबाट एम्बुलेन्स खरिद गरेको छ । वडाको लागि विनियोजित भएको कुल २२ लाख बजेटबाट एम्बुलेन्स खरिद भएको हो । खरिद गरिएको एम्बुलेन्सलाई शनिबार स्वास्थ्य चौकी बलाँचलाई हस्तान्तरण गरिएको छ ।
नगर प्रमुख विजयसिह धामी, उपप्रमुख शान्ती खडायत वडा अध्यक्ष भरतबहादुर खडायत लगायतको उपस्थितिमा एम्बुलेन्स हस्तान्तरण गरिएको छ ।
एम्बुलेन्स सञ्चालनमा आएसंगै शैल्यशिखर नगरपालिकाको लागि मात्र नभएर मार्मा, अपिहिमाल र नौगाड तथा बैतडीको डिलाशैैनी गाउँपालिकाका स्थानीयहरुले समेत सेवा पाउन सक्ने वडा अध्यक्ष एवं प्रवक्ता भरतबहादुर खडायतले बताए ।
एम्बुलेन्स हस्तान्तरण कार्यक्रममा बोल्दै नगर प्रमुख धामीले शैल्यशिखर नगरवासीको स्वास्थ्य उपचार सेवामा सहयोग पुर्याउने उद्धेश्यले वडाले एम्बुलेन्स खरिद गरेर ल्याएको बताए ।
