हरेक त्रैमासिकमा सामाजिक सुरक्षा भत्ता लिनका लागि बैंकसम्म पुग्नुपर्ने झण्झटिलो प्रक्रियाको अन्त्य गर्दै मालिकार्जुन गाउँपालिकाले सामाजिक सुरक्षा भत्ता वडामै पुगेर वितरण गरेको छ । चालु आर्थिक वर्षको तेस्रो त्रैमासिक सामाजिक अवधिको सुरक्षा भत्ता माछापुच्छ«े बैंकसँगको समन्वयमा वडातहमै गएर वितरण गरेको हो ।
सामाजिक सुरक्षा रकम वडामै पुगेर वितरण गरेपछि सेवाग्राही खुसी भएका छन् । पालिका भित्रका ४ सय ५५ जना लाभग्राहीलाई वडा कार्यालयबाटै सामाजिक सुरक्षा भत्ता वितरण गरिएको एमआइएस अपरेटर लोकेन्द्रसिह धामीले जानकारी दिए । तेसो चौमासिकमा कुल ६२ लाख २२ हजार छ सय रुपैयाँ वितरण गरिएको छ ।
भौगोलिक रुपमा विकटता तथा अन्य विविध कारणले गाउँपालिकाबाट प्रदान गरिने सेवाहरुमा नागरिकको पहुँच सुनिश्चिता गर्ने उद्देश्यअनुरुप वडातहमै एकीकृत घुम्ती शिविरमार्फत सेवा प्रदान गरिएको धामीले बताए ।
बैसाख १० गतेदेखि सञ्चालन भएको शिविरमा पालिकाभरिका २ हजार ६ सय ९५ जना सेवाग्राहीहरुलाई सेवा प्रदान गरिएको छ । पालिकाको पशु शाखामार्फत वडातहमै पुगेर ३ हजार १ सय २६ जनालाई औषधि वितरण तथा परामर्श सेवा प्रदान गरिएको छ ।
यसैगरी स्वास्थ्य कार्यालय दार्चुलाको सहकार्यमा सञ्चालित एआइजडित एक्सरे सेवाबाट १ सय ६५ जनाले सेवा लिएका छन् । पालकाभरिका १७ जनाको क्षयरोग सम्बन्धी नमूना परीक्षण गरिएको छ ।
नागरिकलाई सहज, सरल र सर्वसुलभ सेवाप्रदान गरिने उद्देश्यले वडातहमै पुगेर एकीकृत सेवा प्रदान गएिको गाउँपालिका अध्यक्ष हिरासिह धामीले जानकारी दिए । गाउँपालिकाले विगतदेखि नै नियमितरूपमा वडा तहमा पुगेर सामाजिक सुरक्षा भत्ता वितरण लगायत स्वास्थ्य सेवा, किसान सुचीकरण सेवा लगायतका एकीकृत सेवा दिदै आएको छ ।
