जिल्ला समन्वय समिति प्रमुख महादेव बडू (कस्यप)ले मानव अधिकारको क्षेत्रमा इन्सेकले जिम्मेवारीपूर्वक भूमिका निर्वाह गरेको बताएका छन् । इन्सेक दार्चुलाको आयोजनामा भएको नेपाल मानव अधिकार वर्ष पुस्तक सन्् २०२५ को पूर्व बार्षिक समिक्षा तथा जिल्लाको मानव अधिकारको अवस्था विषयक अन्तरक्रिया कार्यक्रमा बोल्दै यस्तो बताएका हुन् ।
उनले भने, ‘इन्सेकले जिल्लाभरिको तथ्याङ्क उजागर गरेर राज्यलाई जवाफदेहि बनाउने काम गरेको छ ।’ जिल्लामा एक्लै भए पनि इन्सेकले हरेक वर्ष पुस्तक प्रकाशन गरेर सरोकारवालाई घच्घच्याउने काम गरेको छ । यो साह«ै प्रंशसनीय कार्य हो उनले भने ।
प्रमुख जिल्ला अधिकारी यज्ञराज जोशीले ‘राज्यले गर्नुपर्ने काम इन्सेकले गरेकोमा धन्यवाद दिए । इन्सेकले राज्यको सहयोगीको रुपमा काम गरेको छ । काम गर्दा कुनै अप्ठ्यारा भए हामी सहयोग गर्न तयार छौ ।’
शिक्षा विकास तथा समन्वय इकाई प्रमुख जयराज पन्तले जिल्लामा झण्डै अढाई प्रतिशत बालबालिका विद्यालयबाहिर रहेको उल्लेख गर्दै यसको खोजबिनमा सहयोग गर्नुपर्ने धारणा राखे । यो नितान्त राज्यको काम हो, तर अहिलेसम्म शिक्षा क्षेत्रको यो तथ्याङ्कमा कमी आउन सकेको छैन् । यसमा इन्सेक लगायतका संघ संस्थाले भूमिका खेलेर सहयोग गर्नुपर्छ उनले भने ।
पत्रकार कमलराज जोशीले प्रजनन् स्वास्थ्य, नवजात शिशु मृत्युदर, मातृमृत्युदरका समग्र पक्षलाई वर्ष पुस्तकमा समेट्न सुझाव दिए । पत्रकार महासंघका निर्वतमान अध्यक्ष कृष्णसिह धामीले मालिकार्जुन गाउँपालिकामा देखिएको बालश्रम र बालविवाहका समस्यालाई अझै गहन ढुंगले तथ्याङ्क ल्याउनुपर्ने बताए ।
जिल्लामा सन २०२४ जनवरीदेखि डिसेम्बर महिनासम्म सङ्कलन गरिएका मानव अधिकार उल्लंघन र ज्यादतिका गरी ६६ ओटा घटना सङ्कलन गरिएको इन्सेक जिल्ला प्रतिनिधि नरेन्द्रसिह कार्कीले जानकारी दिए ।
जसमा जबरजस्तीकरणी, र उद्योगका ९ ओटा, घरेलु हिंसाका ५२ ओटा, हत्या हत्या प्रयासका ३ तथा अमानवीय व्यवहारका २ ओटा घट्ना संकलन गरिएको छ । यो वर्ष आर्थिक सामाजिक, तथा सांस्कृतिक अधिकार, वातावरण तथा स्वास्थ्यको अधिकारलाई प्राथमिकता राखेर जिल्लाको मानव अधिकारको अवस्था संकलन गरिएको इन्सेक प्रतिनिधि कार्कीले बताए ।
कार्यक्रममा सामाजिक विकास कार्यालयका प्रमुख रामचन्द्र ओझा, स्वास्थ्य कार्यालय दार्चुलाका जनस्वास्थ्य अधिकृत लक्ष्मण विष्ट, जिल्ला प्रहरी कार्यालय दार्चुलाका प्रहरी निरीक्षक कान्तिराज जोशी, पत्रकार महासंघ दार्चुलाका अध्यक्ष राजेन्द्रसिह धामी, महिला मानव अधिकारकर्मी निर्मला धामी लगायत २२ जनाको सहभागिता रहेको थियो ।
