अपिहिमाल गाउँपालिकाले आयोजना गरेको गाउँपालिकास्तरीय अध्यक्ष प्रिमियर अण्डर १९ टी ट्वान्टी कप क्रिकेट कपको उपाधि वडा नम्बर १ को अलस्टार अपिले जितेको छ । आइतबार भएको फाइनल प्रतियोगितामा वडा नम्बर ४ को टिमलाई पराजीत गर्दै वडा नम्बर १ ले उपाधि जितेको हो ।
ट्रस जितेर पहिले व्याटिङ गरेको वडा नम्बर ४ ले २० ओभरको खेलमा आठ विकेट गुमाउँदै १०० रन बनाएको थियो । १०१ रनको सामान्य लक्ष्य पाएको अलस्टार अपिले निर्धारित लक्ष्य १६ ओभरमै सात विकेटको क्षतिमा भेट्टायो ।
प्रतियोगितामा पालिकाभित्रका ७ वटा टिमको सहभागिता रहेको थियो । प्रतियोगितामा प्रथम स्थान हासिल गर्ने टिमले नगद ३० हजार १ सय ९९ रुपैयाँ शिल्ड तथा मेडल र उपबिजेताले नगद २० हजार १ सय ९९ रुपैयाँ शिल्ड तथा मेडल प्रदान गरिएको छ ।
गाउँपालिका अध्यक्ष भगतसिह ठेकरे बोहराको अध्यक्षतामा भएको कार्यक्रममा प्रमुख अतिथि नेकपा माओवादी सुदूरपश्चिम प्रदेश संसदीय दलका नेता मानबहादुर धामी रहेका थिए ।
अपिहिमाल पालिकास्तरीय अध्यक्ष प्रिमियर अण्डर १९ क्रिकेट उपाधि अपि अलस्टारले जित्यो
