दशैँ बिदामा बन्द रहेका सरकारी तथा सार्वजनिक कार्यालय आजदेखि खुल्दैछन् । आश्विनशुक्ल सप्तमी अर्थात् फूलपातीका दिनदेखि हिजो द्वादशीसम्म बन्द रहेका कार्यालय आजदेखि खुल्न लागेका हुन् ।
आज सरकारी तथा सार्वजनिक कार्यालय खुल्ने भएकाले देशैभरका शहरमा विस्तारै चहलपहल बढन् थालेको छ । दार्चुला सदरमुकाम खलंगादेखि अधिकासं बजार क्षेत्रमा चहलपहल बढ्न थालेको हो । दशैँमा १३ लाख जना काठमाण्डौबाट बाहिरिएपछि चहलपहल कम बनेको काठमाण्डौँमा भिडभाड बढ्न लागेको छ ।
सहर बाहिर स्थायी बसोबास भएका तथा मान्यजनको हातबाट दशैँमा टीका तथा आशीर्वाद ग्रहण गर्न गएका कर्मचारी, विद्यार्थी, शिक्षक, व्यापारीलगायत फर्केपछि बजारक्षेत्रको जनजीवन सामान्य बन्दै गएको छ ।
कर्मचारीहरु कार्यक्षेत्र फर्किन थालेकोले सडकमा समेत यातायातको चाप बढ्न थालेको छ ।
