दार्चुलाको अपिहिमाल गाउँपालिकाले बिहिबार सार्वजनिक बिदा दिने निर्णय गरेको छ । गाउँपालिकाले स्थानीय विदा दिएको हो ।
अपिहिमाल गाउँपालिकाको प्रमुख धार्मिकस्थल सुर्माभवानी मन्दिरमा साउन ३० र ३१ गते लाग्ने जात्राको अवसरमा विदा दिइएको निमित्त प्रमुख प्रशासकीय अधिकृत धिरेन्द्रसिंह साउँदले जानकारी दिए ।
सार्वजनिक बिदाको दिन पालिकाभित्रका सार्वजनिक, सरकारी तथा गैरसरकारी कार्यालय लगायत शैक्षिक संस्थाहरु बन्द रहने छन् ।
अपिहिमाल गाउँपालिका र बझाङको सुर्मा गाउँपालिकामा बिशेष रुपमा मनाइने यो जात्रा एक वर्ष सानो जात्रा र एक बर्ष ठुलो जात्राको रुपमा मनाउने परम्परा रहेको अपिहिमाल गाउँपालिका अध्यक्ष भगतसिह ठेकरले बताए ।
ठुलो जात्रामा सुर्मा सरोवरसम्म गएर मनाउने चलन छ भने सानो जात्रामा क्षेत्ति र घाजिरमा विशेष रुपमा मनाइन्छ ।
