यार्सा खोज्न गएका युवकको भीरबाट लडेर मृत्यु

दार्चुला । दार्चुलामा यार्सागुम्बा खोज्न गएका एक युवकको भीरबाट लडेर मृत्यु भएको छ । अपिहिमाल गाउँपालिका–३ का २४ वर्षीय मिलन कार्कीको भीरबाट लडेर मृत्यु भएको हो ।

अपिहिमाल गाउँपालिका–३ स्थित काँटै दोनथे भन्ने वनमा यार्सागुम्बा खोज्ने क्रममा शुक्रवार कार्कीको मृत्यु भएको अपिहिमाल गाउँपालिका -३ का वडा अध्यक्ष गगनसिह कार्कीले जानकारी दिए । यार्सा खोजेर फर्किने क्रममा लडेर उनकाे मृत्यु भएको छ।