प्रदेश गौरवको आयोजना अन्र्तगत पर्ने खलंगा–दल्लेक सडकखण्डलाई कालोपत्रे गर्ने कार्य विगत दुईवर्ष देखी अलपत्र परेको भन्दै स्थानीयले ध्यानाकर्षण गरएका छन् ।
सुदूरपश्चिम प्रदेश भौतिक पूर्वाधार मन्त्रालय धनगढीले आर्थिक वर्ष २०७७÷०७८ मा सडकखण्डको ८ दशमलव ५ किलोमिटर सडक कालोपत्रे गर्न टेण्डर गरेको थियो ।
खलंगाको बंगाबगड देखी सुरु भएर नौगाड गाउँपालिकाका विभिन्न बस्ती तथा शैल्यशिखर नगरपालिकाको गोकुलेश्वर संग छोटो दुरीका रुपमा यो सडक रहेको छ ।
उति बेलै बैतडीको ग्वाल्लेक निर्माण कम्पनी संग ठेक्का सम्झौता भएको थियो । निर्माण कम्पनीले समयमै काम नगरेको भन्दै दार्चुलाका स्थानीयले प्रमुख जिल्ला अधिकारी मार्फत भौतिक पूर्वाधार मन्त्रालयलाई आज ज्ञापनपत्र बुझाएका छन् ।
नौगाड गाउँपालिका, महाकाली नगरपालिका र लेकम गाउँपालिकाका स्थानीयले दार्चुलाका प्रमुख जिल्ला अधिकारी यज्ञराज जोशीलाई उक्त ज्ञापनपत्र बुझाउदै सरोकारवाला तथा सम्बन्धित मन्त्रालयको ध्यानाकर्षण गराएका छन् ।
उनीहरुले सोही ज्ञापनपत्रको बोधार्थ दार्चुलाबाट प्रतिनिधिसभामा प्रतिनिधित्व गर्ने प्रतिनिधिसभा सदस्य दिलेन्द्र प्रसाद बडू, सुदूरपश्चिम प्रदेशसभाका सदस्यहरु मानबहादुर धामी, बिक्रम सिंह धामी र लक्ष्मी बिकलाई समेत पठाएका छन् । सडक कालोपत्रे गर्न ठेक्का भएको दुई वर्ष सम्म पनि कुनै किसिमको कार्य नभएको भन्दै स्थानीयले तत्काल सडक कालोपत्रे गर्ने कार्य अघि बढाउन माग गरिएको व्यवसायी मंगलसिह ठगुन्नाले बताए ।
। सडक कालोपत्रे गर्ने काम नहुँदा लाभग्राहीले दैनिक रुपमा विभिन्न किसिमका समस्याहरु भोगिरहेको भन्दै तत्काल सडक निर्माणको काम अघि नबढाए संघर्षका कार्यक्रमहरु गर्ने चेतावनी समेत दिएका छन् ।
संघर्षका कार्यक्रम पस्चात सिर्जित समस्याहरुको जिम्मेवारी सम्बन्धित निकायले लिनुपर्ने पनि उनीहरुले बताएका छन् । पटक–पटक आयोजना संग सरोकार राख्ने निकायहरु संग सोधपुछ तथा सडक निर्माणको काम गर्न आग्रह गर्दा पनि कुनै किसिमको सुनुवाई नभएको भन्दै स्थानीयहरुले सम्बन्धित निकायको ध्यानाकर्षण गराइदिन ज्ञापनपत्र बुझाएका हुन् ।
